वराळे (मावळ): मावळचे आमदार सुनीलअण्णा शेळके यांच्या वाढदिवसाचं औचित्य साधून वराळे गावात हास्य आणि मनोरंजनाचा मोठा कार्यक्रम आयोजित करण्यात आला आहे. शनिवार, ११ ऑक्टोबर २०२५ रोजी सायं. ६.०० वाजता जुने तलाठी कार्यालय, वराळे फाटा (ता. मावळ, जि. पुणे) येथे ‘जल्लोष – चांडाळ चौकडीच्या करामतीचा’ हा धमाल विनोदी कार्यक्रम प्रेक्षकांच्या भेटीला येणार आहे.
सौ. पल्लवीताई संपत दाभाडे (माजी सरपंच, माळवाडी ग्रामपंचायत) आणि श्री. संपत उर्फ संदीप दाभाडे (युवा नेते, उद्योजक) यांनी महिला, भगिनी आणि समस्त मावळकरांसाठी हा विशेष आनंद सोहळा आयोजित केला आहे. त्यांच्या पुढाकारातून गावरान फिल्मस् प्रोडक्शन प्रस्तुत ‘चांडाळ चौकडी’च्या करामती प्रेक्षकांना खळखळून हसायला लावणार आहेत.
या कार्यक्रमाचं खास आकर्षण म्हणजे महिलांसाठी आयोजित केलेला ‘भव्य लकी ड्रॉ’ आणि आकर्षक भेटवस्तू. यात इलेक्ट्रिक गाडी, फ्रिज, एलईडी टीव्ही, कुलर, ओव्हन मशीन यांसारखी मोठी बक्षिसे जिंकण्याची संधी मिळणार आहे. शिवाय, प्रत्येक सहभागी महिलेला एक आकर्षक भेटवस्तू मिळणार आहे.
आमदार शेळके यांच्या वाढदिवसानिमित्त मावळात हास्याची लकेर उमटवणारे आयोजक दाभाडे यांनी सर्व नागरिकांना, विशेषत: महिलांना, या जल्लोषमय कार्यक्रमात उपस्थित राहून आनंदाचा क्षण अनुभवण्याचं आवाहन केलं आहे.
