मावळच्या महिलांची साथ प्रशांत दादांच्या पाठीशी; जिल्हा परिषद निवडणुकीच्या पार्श्वभूमीवर जनमताचा कौल स्पष्ट!
जांभूळ (प्रतिनिधी): प्रशांतदादा भागवत युवा मंचच्या वतीने जांभूळ येथे महिलांसाठी आयोजित करण्यात आलेला ‘मनोरंजन संध्या २०२५’ हा विशेष कार्यक्रम अतिशय उत्साहात आणि दिमाखात पार पडला. जांभूळ आणि परिसरातील माता-भगिनींनी या कार्यक्रमाला उदंड प्रतिसाद देत तो खऱ्या अर्थाने यशस्वी केला. महिलांनी हसत-खेळत गाणी, नृत्ये आणि विविध मनोरंजक स्पर्धांच्या माध्यमातून आपल्या सुप्त कलागुणांना वाव दिला, ज्यामुळे संपूर्ण वातावरण रंगतदार बनले होते.
या संपूर्ण उपक्रमाचे सूत्रधार आणि आयोजक प्रशांतदादा भागवत हे आमदार सुनील अण्णा शेळके यांचे विश्वासू सहकारी आहेत आणि जिल्हा परिषद निवडणुकीसाठी ते इच्छुक उमेदवार म्हणून जोरदार चर्चेत आहेत. त्यांच्या पुढाकारातून महिलांसाठी राबविण्यात आलेल्या या आगळ्यावेगळ्या उपक्रमामुळे त्यांना गावोगावी महिला वर्गातून प्रचंड जनसमर्थन मिळत आहे. ‘मनोरंजन संध्या’च्या निमित्ताने त्यांनी महिलांशी थेट आत्मीय संवाद साधला आणि समाजातील प्रत्येक घटकाला सोबत घेऊन विकासाचा प्रवास करण्याची आपली तळमळ व्यक्त केली.
या यशस्वी सोहळ्यासाठी अनेक मान्यवरांची उपस्थिती लाभली. यामध्ये तालुका युवक अध्यक्ष किशोर भाऊ सातकर, आदर्श सरपंच संतोष भाऊ जांभुळकर, उपसरपंच एकनाथ आप्पा गाडे, मा. उपसरपंच अंकुश भाऊ काकरे, मा. सरपंच नागेश ओव्हाळ, मावळ तालुका विद्यार्थी अध्यक्ष सुशांत बालगुडे, तसेच ग्रामपंचायत सदस्य रुपाली गायकवाड, स्नेहल ओव्हाळ, तृप्ती जांभुळकर, कल्पना काकरे यांचा समावेश होता. याशिवाय ईश्वर काकरे, प्रभाकर जांभुळकर, संजू जांभुळकर, विवेक काकरे, अरुण जांभुळकर, संदीप गाडे, भानुदास शिंदे आणि हिंदुतेज मित्र मंडळाच्या सर्व सभासदांनी कार्यक्रम यशस्वी करण्यासाठी मोलाची मदत केली.
यावेळी घेण्यात आलेल्या विविध स्पर्धांमध्ये महिलांनी उत्स्फूर्तपणे सहभाग घेतला. विजेत्या महिलांचा गौरव करण्यात आला: प्रथम क्रमांक शिल्पाताई पोटवडे, द्वितीय क्रमांक अश्विनीताई पोटवडे, तृतीय क्रमांक जयश्रीताई देशमुख, चतुर्थ क्रमांक जनाबाई जांभुळकर, पाचवा क्रमांक प्रतीक्षा ताई काकरे, सहावा क्रमांक शितलताई वायकर, सातवा क्रमांक वैष्णवीताई जांभुळकर, आठवा क्रमांक पुष्पाताई देशमुख, नववा क्रमांक मोनिकाताई जांभुळकर आणि दहावा क्रमांक रोहिणीताई काकरे यांनी पटकावला.
महिलांच्या अभूतपूर्व सहभागाने संपन्न झालेल्या या भव्य आयोजनामुळे केवळ जांभूळ परिसरातच नव्हे, तर संपूर्ण मावळ तालुक्यात प्रशांतदादा भागवत यांच्या लोककल्याणकारी आणि जनसंपर्काच्या कार्यपद्धतीबद्दल सकारात्मक उत्साहाची लाट निर्माण झाली आहे. जिल्हा परिषद निवडणुकीच्या पार्श्वभूमीवर, महिलांचा हा उत्स्फूर्त सहभाग आणि पाठिंबा प्रशांत दादा भागवत यांच्या राजकीय वाटचालीस बळ देणारा आणि त्यांच्या बाजूने पोषक वातावरण निर्माण करणारा ठरला आहे.
खोझेमा ट्रेडर्स घेऊन आले, आनंदाचे नवे पर्व;
शून्य टक्के व्याजाने खरेदी करा, उपकरणे सर्व!
