साते (मावळ): प्रशांत दादा भागवत युवा मंच आयोजित ‘मनोरंजन संध्या’ कार्यक्रमामुळे साते गावात उत्साह आणि एकतेचं वातावरण निर्माण झालं होतं. स्थानिक ग्रामस्थ, महिला मंडळ आणि युवकांनी या सांस्कृतिक कार्यक्रमाला जबरदस्त प्रतिसाद दिला आणि ही संध्याकाळ अविस्मरणीय बनवली.
आमदार सुनील शेळके यांचे विश्वासू सहकारी आणि जिल्हा परिषद निवडणुकीचे संभाव्य उमेदवार म्हणून पाहिले जाणारे प्रशांत दादा भागवत यांच्या नेतृत्वाखाली हा कार्यक्रम आयोजित करण्यात आला होता. भागवतांच्या वाढत्या जनसंपर्काची आणि लोकप्रियतेची झलक या कार्यक्रमाला मिळालेल्या उत्स्फूर्त प्रतिसादातून स्पष्ट झाली.
मान्यवरांची लक्षणीय उपस्थिती
या ‘मनोरंजन संध्या’ कार्यक्रमाला ग्रामीण भागातील महिला लोकप्रतिनिधींची उपस्थिती लक्षणीय होती. ग्रामपंचायत सदस्य आरती सागर आगळमे, भारती संजय आगळे, मीनाक्षी ताई आगळमे, आम्रपाली मोरे, वर्षाताई नवघणे, सारिका सुरेश आगळमे यांच्यासह निशा संदीप शिंदे आणि युवती अध्यक्ष भाविका आगळमे यांनी कार्यक्रमाला शोभा आणली.
यासोबतच पै. सुरेशभाऊ आगळमे, श्री. संदीप भाऊ शिंदे, श्री. प्रकाश भाऊ आगळमे, श्री. खंडू भाऊ आगळमे, श्री. संकेतदादा शिंदे, आणि श्री. आनंता आगळमे यांसारख्या मान्यवरांची उपस्थिती देखील कार्यक्रमाला लाभली.
मनोरंजन आणि सामाजिक एकतेचा संगम
विविध सांस्कृतिक सादरीकरणे, हास्यविनोद आणि सामाजिक कार्यकर्त्यांच्या गौरवाने सजलेल्या या कार्यक्रमाने सामाजिक ऐक्य आणि एकोप्याचा संदेश दिला. सातेवाडी ग्रामस्थांच्या सक्रिय सहभागामुळे ही ‘मनोरंजन संध्या’ केवळ सांस्कृतिक सोहळा न राहता, जनसंपर्क आणि सामाजिक एकतेचा नवा अध्याय ठरली.
