इंदोरी : इंदोरी-वराळे जिल्हा परिषद गटातील आगामी निवडणूक आता मेघाताई भागवत यांच्या दमदार एंट्रीने आणि त्यांच्या झंझावाती दौऱ्याने एका निर्णायक वळणावर येऊन ठेपली आहे. गटातील सर्वात प्रबळ दावेदार मानल्या जाणाऱ्या मेघाताईंनी गावभेटी व संपर्क दौऱ्याला सुरुवात करताच त्यांना महिलावर्गाकडून मिळणाऱ्या उत्स्फूर्त प्रतिसादाने ही निवडणूक चांगलीच गाजणार असल्याचे स्पष्ट संकेत दिले आहेत.
थेट संवाद साधत मांडली विकासाची दृष्टी
मेघाताई भागवत यांनी आपल्या दौऱ्यादरम्यान जनतेशी थेट संवाद साधण्यावर भर दिला. यावेळी त्यांनी आपली स्पष्ट विकासदृष्टी, दीर्घकाळचा सामाजिक कार्याचा अनुभव आणि सर्वसमावेशक विचारसरणी प्रभावीपणे लोकांसमोर मांडली. विशेषतः महिला सक्षमीकरणासाठी त्यांनी घेतलेली ठाम भूमिका आणि स्थानिक समस्यांवर दिलेली स्पष्ट उत्तरे यामुळे ग्रामस्थांमध्ये त्यांच्याबद्दल प्रचंड विश्वास निर्माण झाला आहे.
साधेपणा, प्रामाणिकपणा आणि वाढता जनसंपर्क
मेघाताईंच्या साधेपणामुळे, प्रामाणिक कार्यपद्धतीमुळे आणि पक्षनिष्ठेमुळे त्यांनी अल्पावधीतच जनतेच्या मनात एक खास स्थान निर्माण केले आहे. इंदोरी-वराळे गटात सध्या “या वेळी मेघाताई भागवत” अशी चर्चा मोठ्या प्रमाणात वाढताना दिसत आहे.
मेघाताईंचा हा वाढता जनसंपर्क आणि लोकप्रियता पाहता, त्यांच्या उमेदवारीवर पक्षाच्या वरिष्ठ नेतृत्वाला गंभीर विचार करावा लागणार, अशी चर्चा राजकीय वर्तुळात रंगू लागली आहे. आगामी जिल्हा परिषद निवडणुकीत मेघाताई भागवत यांचे नाव अग्रक्रमात असून, त्यांच्या नेतृत्वाखाली इंदोरी-वराळे गटात नव्या राजकीय समीकरणांची चाहूल लागली आहे.
