इंदुरी (प्रतिनिध
श्री विघ्नहर नागरी सहकारी पतसंस्था मर्यादित, इंदुरी यांच्या वतीने दसरा-दिवाळीच्या शुभ मुहूर्तावर “महिला सन्मान ठेव योजना २०२५” अंतर्गत महिलांच्या सन्मानाचा एक भव्य आणि उत्साही सोहळा आयोजित करण्यात आला होता. आज, शुक्रवार, दिनांक १७ ऑक्टोबर २०२५ रोजी संस्थेच्या कार्यालयात या योजनेत मुदत ठेव (Fixed Deposit) केलेल्या महिलांना खास आकर्षक पैठणी साडी भेट देऊन गौरविण्यात आले.
हा कार्यक्रम संस्थेच्या सामाजिक बांधिलकीचे प्रतीक ठरला. कार्यक्रमाची सुरुवात मान्यवरांच्या स्वागताने झाली. सौ. सुरेखा ताई शेवकर व सौ. कोमल ताई शिंदे यांनी अत्यंत प्रभावीपणे सूत्रसंचालन केले, तर सौ. प्रतीक्षा ताई ढोरे व ॲड. नेहा ताई शिंदे यांनी उपस्थितांचे आभार मानले. सर्व सन्मानित महिलांसाठी खास अल्पोपहार आणि चहापानाची व्यवस्था करण्यात आली होती, ज्यामुळे कार्यक्रमाचा समारोप आनंददायी वातावरणात झाला.
या विशेष कार्यक्रमाला संस्थेचे संस्थापक भगवान भाऊ शेवकर, ज्येष्ठ मार्गदर्शक श्री. जगन्नाथ शेवकर, साईनाथ भाऊ बाणेकर, चेअरमन स्वप्निल सूर्यकांत भागवत, उपाध्यक्ष आदित्य गुलाबराव शेवकर, सचिव सौ. राधिका भगवान शेवकर, कोषाध्यक्ष श्री. प्रविण विष्णू दगडे यांच्यासह संस्थेचे सर्व मान्यवर सदस्य उपस्थित होते.
उपस्थित मान्यवरांनी यावेळी सर्व नागरिकांना दिवाळीच्या हार्दिक शुभेच्छा दिल्या आणि ‘महिला सन्मान ठेव योजने’ला मिळालेल्या उत्स्फूर्त प्रतिसादाबद्दल महिलांचे व परिसरातील नागरिकांचे मनःपूर्वक आभार मानले.
विघ्नहर पतसंस्थेने आयोजित केलेला हा उपक्रम केवळ एक आर्थिक योजना नसून, समाजातील महिलांना सन्मानित करणे, त्यांना प्रोत्साहन देणे आणि त्यांच्या आर्थिक सबलीकरणासाठी उचललेले एक महत्त्वपूर्ण पाऊल ठरले आहे. या योजनेमुळे बचत आणि गुंतवणुकीच्या माध्यमातून महिलांना सक्षम करण्यासाठी संस्थेचा हा प्रयत्न अतिशय कौतुकास्पद ठरला आहे.
